اللقا بات يقرب من حدود المحال ... لازم إنك تغيبي والا انا أقطعك
وفكرت الوصل لوتنبت بإرض الجبال ... واقعي ما يسقيها ولاواقعك
حبنا الأمنية أمه وابوه إحتمال ... لو كبر ما بينفعني ولا ينفعك
أعذريني أبرحل واعلن الإنفصال ... أعذريني تراني جيت باودعك
شفت فيك المحبة ضمن حلو الخصال ... وعشت معك الهوى واشوف موته معك
وقلبي اللي سكنتي إثر ماهو بخال ... زود مابه هموم أظن مايوسعك
كم تعمدت أرسم بسمتك بالجدال ... وكنت أقرا كلامك وانثرك واجمعك
وكم تمنيت أجيلك شوق ولا إنفعال ... وكثر ماكنت أخاصم كنت أنا ادلعك
أذكر إنك بنيتي بالأمل لي جبال ... تقنعيني نواصل واني أطاوعك
واذكر اني أردد كل لحظة سؤال ... وش نهاية هوانا ليش ذا مقنعك
وجيت قبل الجروح وقبل ضيق المجال ... إستبق دمعتي واسد لك مدمعك
جيت مادام فينا للأمل إحتمال ... إيه توجعني الفرقا ولا توجعك
إيه بقطع عروق الوصل والإتصال ... إيه وارجوك لاتاصلك في منبعك
واطلبك تذكريني لو يطول المطال ... أذكر نمر دامه ماحدن يمنعك
أطلبك قبل ما ارحل لا تقولي تعال ... لاتنادين مجنونك وهو يسمعك
واطلبك قبل ما ارحل لا تقولي تعال ... خوفي أرحل ويبقى كل فكري معك
واطلبك قبل مارحل لاتقولي تعال ... لا تخلين قلبي بالغصب يتبعك
واطلبك قبل مارحل لاتقولي تعال ... لو تنادين بتجاهلك ما بسمعك
**
ليست هناك تعليقات:
إرسال تعليق